५९ औं राष्ट्रिय सहकारी दिवस सफल पार्न योगदना गर्ने सबै प्रति आभार प्रकट गर्दछौं ।

 

“आर्थिक विकास र सामाजिक रुपान्तरणका लागि सहकारी” भन्ने मुख्य ध्येयका साथ ५९ औं राष्ट्रिय सहकारी दिवस २०७२ साल चैत्र २० गते राष्ट्रव्यापि रुपमा भष्यताका साथ सम्पन्न भयो । देशका सात वटै प्रदेशका प्राय सबै जिल्लामा कार्यक्रम भएको छ । झपादेखि कञ्चनपुरसम्म र पशुपति नगरदेखि झूलाघाट सम्मका प्राय सबै जिल्लाले राष्ट्रिय सहकारी दिवसलाई विभिन्न कार्यक्रमका साथ मनाए । अधिकांस स्थानमा जिल्ला सहकारी संघ, विषयगत जिल्ला संघ र डिभिजन सहकारी कार्यालयसँग मिलेर संयुक्त रुपमा मनाए । यो वर्षको मूल थिम (ध्येय)का आधारमा, विभिन्न कार्यक्रमको आयोजना गरि मनाएको खबर प्राप्त भएको छ । जस्तै:  निबन्ध प्रतियोगिता, कविता प्रतियोगिता, रक्तदान कार्यक्रम, सभा गोष्ठी, वृद्धाश्रमका वृद्धवृद्धालाई फलफुल वितरण, विभिन्न विषयका उत्कृष्ट व्यक्तिहरुमा पुरस्कार, सम्मान र कदर–पत्र वितरण गरेर प्रोत्साहन गर्नुभयो । २० चैत्रमा आ–आफ्नो संस्कृति र परम्परा अनुसारका पोशाक, झाकि, बाजागाजाका साथ र्याली र सभाहरु आयोगना भए । मोरङ, झापा, कास्की, काठमाडौं, ललितपुर,  नेपालगंज,  हेटौंडा लगायत देशका प्राय सबै जिल्लामा हजारौं हजारको र्याली सहित कार्यक्रम भए । इलाम, पाँचथर, दोलखादेखि मुगु सम्मका जिल्लामा भएको उत्साहवर्धक कार्यक्रममा लाखौं सहकारीकर्मी आ–आफ्नो व्यानरका साथ सडकमा उत्रिए । रक्तदानमा नेपालगंजले ३३४ पिन्ट रक्तदान गरेर देशै भरिको रक्तदानलाई उछिनेको छ । यो कार्यक्रममा अगुवाई गर्ने, साथ सहयोग दिने, सहभागि हुने,  रक्तदान लगायतका कार्यक्रममा योगदान गर्ने सहकारीका अगुवा र सहभागि,  सरकारका उपप्रधानमन्त्री देखी लिएर सबै तहका जिम्मेवार व्यक्ति, संघसंस्था र सहभागि सबैमा हार्दिक सम्मान जाहेर गर्न चाहन्छौं र धन्यवाद दिन चाहन्छौं ।

Keshab Prashad Badal

केशवप्रसाद बडाल
व्यवस्थापिका संसद सदस्य,
अध्यक्ष, राष्ट्रिय सहकारी संघ,
अध्यक्ष, नेकपा (एमाले) केन्द्रीय सल्लाहकार परिषद

 

व्यवस्थापिका संसदको बैठक

मिति २०७२ भाद्र ३ गतेका दिन बसेको व्यवस्थापिका संसदको बैठकमा माननीय केशबप्रसाद बडालले देशको उत्पादक शक्ति उत्साहित नभैकन कुनै क्षेत्रको विकास नहुने बताउनु भयो । उहाँले देशमा सहकारीको महत्वको बारे कुरा राख्दै भन्नुभयो –सहकारी सामाजिक न्याय र उत्पादकत्व वृद्धिलाई सँगसँगै लाने व्यवसाय हो । देशभरि छरिएको पूँजी, श्रम, सीप र क्षमतालाई समेटेर सहकारी संस्थाहरु कृयाशिल हुन्छन् । हाल देशमा ३३,००० सहकारी संस्था छन् । देशभरि ३४९ जिल्ला संघ र विषयगत जिल्लासंघ, २० वटा केन्द्रीय संघ, राष्ट्रिय सहकारी बैंक छ ।

यी सबैको छाता संघ राष्ट्रिय सहकारी संघ रहेको छ । यसको संचालक र लेखासमिति सदस्य जोड्दा ३ लाख ३० हजार हुन्छन् । ती सबैलाई तालिम तथा प्रशिक्षण गर्न अत्यन्त जरुरि छ । यसका लागि आवश्यक तालिम केन्द्र स्थापना गर्न बजेटको व्यवस्था हुनुपर्छ । काठमाडौंमा अन्तराष्ट्रिय स्तरको तालिम तथा प्रशिक्षण केन्द्रको पनि आवश्यक छ । देशका ७५ वटै जिल्लामा सहकारी डिभिजन कार्यालय स्थापना गर्नु आवश्यक छ र यसको लागि सरकारको तर्फबाटभने बजेटमा केहि व्यवस्था भएको देखिएन । सरकारले सहकारी ऐन पनि जति सक्दो चाँडै ल्याउनु पर्यो ।

उहाँले यसै बैठकमा कृषि उत्पादन र प्रतिस्पर्धा बारे भन्नुभयो– १८८० किलोमिटर खुल्ला सिमाना भएको भारत र १४०८किलोमिटरको सिमाना चीन सँग छ । हाम्रा कृषि तथा अन्य उत्पादनले तिनीहरु सँग प्रतिस्पर्धा गर्नुपर्छ । प्रतिस्पर्धी क्षमता बढाउन मध्यम तहको प्रविधि, पूँजी र पूर्वाधारका लागि आवश्यक बजेटको व्यवस्था गर्नुपर्छ । विनियोजनमा त्यो देखिएन । नयाँ बनेका नगरपालिकामा कर मूक्त हुनुपर्छ । त्यो पनि देखिएन ।

केशवप्रसाद बडाल
संविधान सभा सदस्य तथा
अध्यक्ष, राष्ट्रिय सहकारी संघ

Recent News

प्रकाशनहरु