५९ औं राष्ट्रिय सहकारी दिवस सफल पार्न योगदना गर्ने सबै प्रति आभार प्रकट गर्दछौं ।

 

“आर्थिक विकास र सामाजिक रुपान्तरणका लागि सहकारी” भन्ने मुख्य ध्येयका साथ ५९ औं राष्ट्रिय सहकारी दिवस २०७२ साल चैत्र २० गते राष्ट्रव्यापि रुपमा भष्यताका साथ सम्पन्न भयो । देशका सात वटै प्रदेशका प्राय सबै जिल्लामा कार्यक्रम भएको छ । झपादेखि कञ्चनपुरसम्म र पशुपति नगरदेखि झूलाघाट सम्मका प्राय सबै जिल्लाले राष्ट्रिय सहकारी दिवसलाई विभिन्न कार्यक्रमका साथ मनाए । अधिकांस स्थानमा जिल्ला सहकारी संघ, विषयगत जिल्ला संघ र डिभिजन सहकारी कार्यालयसँग मिलेर संयुक्त रुपमा मनाए । यो वर्षको मूल थिम (ध्येय)का आधारमा, विभिन्न कार्यक्रमको आयोजना गरि मनाएको खबर प्राप्त भएको छ । जस्तै:  निबन्ध प्रतियोगिता, कविता प्रतियोगिता, रक्तदान कार्यक्रम, सभा गोष्ठी, वृद्धाश्रमका वृद्धवृद्धालाई फलफुल वितरण, विभिन्न विषयका उत्कृष्ट व्यक्तिहरुमा पुरस्कार, सम्मान र कदर–पत्र वितरण गरेर प्रोत्साहन गर्नुभयो । २० चैत्रमा आ–आफ्नो संस्कृति र परम्परा अनुसारका पोशाक, झाकि, बाजागाजाका साथ र्याली र सभाहरु आयोगना भए । मोरङ, झापा, कास्की, काठमाडौं, ललितपुर,  नेपालगंज,  हेटौंडा लगायत देशका प्राय सबै जिल्लामा हजारौं हजारको र्याली सहित कार्यक्रम भए । इलाम, पाँचथर, दोलखादेखि मुगु सम्मका जिल्लामा भएको उत्साहवर्धक कार्यक्रममा लाखौं सहकारीकर्मी आ–आफ्नो व्यानरका साथ सडकमा उत्रिए । रक्तदानमा नेपालगंजले ३३४ पिन्ट रक्तदान गरेर देशै भरिको रक्तदानलाई उछिनेको छ । यो कार्यक्रममा अगुवाई गर्ने, साथ सहयोग दिने, सहभागि हुने,  रक्तदान लगायतका कार्यक्रममा योगदान गर्ने सहकारीका अगुवा र सहभागि,  सरकारका उपप्रधानमन्त्री देखी लिएर सबै तहका जिम्मेवार व्यक्ति, संघसंस्था र सहभागि सबैमा हार्दिक सम्मान जाहेर गर्न चाहन्छौं र धन्यवाद दिन चाहन्छौं ।

Keshab Prashad Badal

केशवप्रसाद बडाल
व्यवस्थापिका संसद सदस्य,
अध्यक्ष, राष्ट्रिय सहकारी संघ,
अध्यक्ष, नेकपा (एमाले) केन्द्रीय सल्लाहकार परिषद

 

संसदमा राखेका बिचारहरू

२०७२ भाद्र १५ गते

  • नेपाली जनतालाई आपसमा भिडाएर जनताकै बलिदानबाट प्राप्त उपलब्धीलाई संस्थागत गर्न नदिन प्रयास भैरहेको छ ।
  • नेपालीको प्रगति, उन्नति र एकता नचाहने शक्तिहरू सलव हुदै गएका छन् ।
  • केकालागि बन्द, के का लागि नाकाबन्दी ।
  • के का लागि मनमोहन अधिकारि र गिरिजाप्रसाद कोइरालाको शालिक तोदिदैछ ।
  • के का लागि एमाले र काँग्रेसका कार्यालय आक्रमणका निशाना बनेका छन् ।
  • के का लागि अत्यावश्यक वस्तुको आयातमा नाकाबन्दी गरिएको हो ।
  • काठमाडौंलगायत नेपालका उत्तरी भेगमा नाकाबन्दी लगाउने प्रयास राष्ट्रिय हितमा हुन सक्दैन ।
  • काठमाडौंलगायत पहाडतर्फ आउने वस्तु रोकिएको छ ।
  • नालापानीमा अंग्रेजले गरेको नाकाबन्दी जस्तै गरेर कसलाई फाइदा पुग्ला ।
  • यस्तो स्थितिमा सबै माननीय सांसद, संसदमा भएका र संसद बाहिर रहेका राजनीतिक दल सबैले साम्प्रदायिक सदभावका लागि अग्रसर बनौं ।
  • आपसमा लडेर हामी कही पुग्न सक्दैनौं र केही प्राप्त गर्न पनि सक्दैनौं ।
  • सबै जात, भाषा, धर्म, संस्कृति र क्षेत्रका जनताबीचको एकता र सद्भाव बढाएर मात्र जनताका अधिकारलाई स्थापित गर्न सकिन्छ ।
  • विधि र प्रकृयाबाट संविधान निर्माण गर्न अग्रसर भएर अघि बढ्नुपर्ने बेला किन बन्चरो, खुडा, खुकुरी, लाठी लिएर कैलाली हत्याकाण्ड मच्चाइयो ।
  • पुनरूत्थानवादी शक्तिको जार कोही नबनौं ।
  • राज्यले पनि शान्तिपूर्ण समाधानका लागि संयमित भएर प्रस्तुत हुन अनुरोध गर्दछु ।
  • नेपालका ३ करोड नेपालीलाई होच्याउने र नेपालका सिमावर्ती क्षेत्रका नेपाल आमाका सन्तानको राष्ट्रिय भावनामा चोट पुग्ने काम गर्नु राम्रो होइन । नेपालीलाई जुधाएर लाभ लिन खोज्नेहरूलाई निस्तेज बनाउन सम्पूर्ण नेपाली एक हुन विनम्र अनुरोध गर्दछु ।
  • पहिलो संविधानसभाको बेला पनि जेठ २ गते संविधान बन्ने विन्दूमा पुगेपछि देशव्यापी विभिन्न नाममा विरोध भएको थियो । अहिले पनि त्यसकै पुनरावृत्तिका लागि एस.एस.पी लक्ष्मण न्यौपानेदेखि २ वर्षको बालक टेकबहादुर साउदलगायतको विभत्स हत्या र सारा सिमावर्ती क्षेत्रबाट आवत जावत बन्द गराएर राष्ट्रिय हितविपरीतका गतिविधि बढ्दै गएको छ ।
  • यो प्रकारान्तरले संविधान बन्न नदिने नियोजित सड्यन्त्रमा कोही नफसौं ।
    संविधान निर्माणमा सबै सहयोगी बनौं ।
  •  आजै विरज‌ग र कलैया गरि ४ जनाको मृत्यु भएको खबरले म अत्यन्त मर्माहत भएको छु । यस प्रकारका हिंसात्मक गतिविधि सबै पक्षबाट रोक्न अनुरोध पनि गर्दछु ।

Recent News

प्रकाशनहरु