५९ औं राष्ट्रिय सहकारी दिवस सफल पार्न योगदना गर्ने सबै प्रति आभार प्रकट गर्दछौं ।

 

“आर्थिक विकास र सामाजिक रुपान्तरणका लागि सहकारी” भन्ने मुख्य ध्येयका साथ ५९ औं राष्ट्रिय सहकारी दिवस २०७२ साल चैत्र २० गते राष्ट्रव्यापि रुपमा भष्यताका साथ सम्पन्न भयो । देशका सात वटै प्रदेशका प्राय सबै जिल्लामा कार्यक्रम भएको छ । झपादेखि कञ्चनपुरसम्म र पशुपति नगरदेखि झूलाघाट सम्मका प्राय सबै जिल्लाले राष्ट्रिय सहकारी दिवसलाई विभिन्न कार्यक्रमका साथ मनाए । अधिकांस स्थानमा जिल्ला सहकारी संघ, विषयगत जिल्ला संघ र डिभिजन सहकारी कार्यालयसँग मिलेर संयुक्त रुपमा मनाए । यो वर्षको मूल थिम (ध्येय)का आधारमा, विभिन्न कार्यक्रमको आयोजना गरि मनाएको खबर प्राप्त भएको छ । जस्तै:  निबन्ध प्रतियोगिता, कविता प्रतियोगिता, रक्तदान कार्यक्रम, सभा गोष्ठी, वृद्धाश्रमका वृद्धवृद्धालाई फलफुल वितरण, विभिन्न विषयका उत्कृष्ट व्यक्तिहरुमा पुरस्कार, सम्मान र कदर–पत्र वितरण गरेर प्रोत्साहन गर्नुभयो । २० चैत्रमा आ–आफ्नो संस्कृति र परम्परा अनुसारका पोशाक, झाकि, बाजागाजाका साथ र्याली र सभाहरु आयोगना भए । मोरङ, झापा, कास्की, काठमाडौं, ललितपुर,  नेपालगंज,  हेटौंडा लगायत देशका प्राय सबै जिल्लामा हजारौं हजारको र्याली सहित कार्यक्रम भए । इलाम, पाँचथर, दोलखादेखि मुगु सम्मका जिल्लामा भएको उत्साहवर्धक कार्यक्रममा लाखौं सहकारीकर्मी आ–आफ्नो व्यानरका साथ सडकमा उत्रिए । रक्तदानमा नेपालगंजले ३३४ पिन्ट रक्तदान गरेर देशै भरिको रक्तदानलाई उछिनेको छ । यो कार्यक्रममा अगुवाई गर्ने, साथ सहयोग दिने, सहभागि हुने,  रक्तदान लगायतका कार्यक्रममा योगदान गर्ने सहकारीका अगुवा र सहभागि,  सरकारका उपप्रधानमन्त्री देखी लिएर सबै तहका जिम्मेवार व्यक्ति, संघसंस्था र सहभागि सबैमा हार्दिक सम्मान जाहेर गर्न चाहन्छौं र धन्यवाद दिन चाहन्छौं ।

Keshab Prashad Badal

केशवप्रसाद बडाल
व्यवस्थापिका संसद सदस्य,
अध्यक्ष, राष्ट्रिय सहकारी संघ,
अध्यक्ष, नेकपा (एमाले) केन्द्रीय सल्लाहकार परिषद

 

संविधान र भारत

भारत र चीन हाम्रा दुई छिमेकी राष्ट्र हुन । नेपालको भारतसँग १८८० किलोमिटर र चीनसँग १४०८ किलोमिटर सिमा जोडिएको छ । भारतसँग खुल्ला सीमा छ तर चीनसँग खुल्ला छैन । भारतसँगको सीमा सरल भौगोलिक बनोट छ । चीन सँग विकट हिमाली भौगोलिक बनोट छ । भारतसँग खुल्ला सीमा भएकाले नेपाललाई सहज र जटिलता दुवै अवस्था छ ।

नेपालप्रति छिमेकीको चासो हुनु स्वभाविक हो, चासो र सुझावलाई सहज मान्नुपर्छ । तर ५९८ संविधानसभा सदस्यमध्ये ५३७ सभासद्को हस्ताक्षर र सभाअध्यक्षले प्रमाणीकरण गरेपछि यो गर त्यो गर भन्नु गलत हो । मित्र राष्ट्रका सुझावहरुलाई नराम्रो भन्नु हुँदैन तर प्रदेश सिमाङ्कनमा यो गर, जनसंख्याको आधारमा सिट निर्धारण गर, संसदीय निर्वाचन क्षेत्र निर्माण गर्दा यसो गर भन्नु गलत हो ।

 

नेपाल आर्थिक रुपले सबल नहोला, भूपरिवेष्टीता भएका कारण भारत भएर व्यापार गर्न बाध्य होला तर स्वाधिनता, स्वाभिमानका मामिलामा नेपाल सानो छैन । छिमेकीले नेपालको खासखास भेग र खासखास समुदायका बारेमा विशेष चासो राख्नु उचित होइन । भारतको हितका लागि नेपालीले स्वतन्त्रता संग्राम देखि हालसम्म पनि रगत पसिना बहाएका छन् । यसको तात्पर्य नेपालीको आफ्नै स्वाभिमान कमजोर छ भन्ने ठान्नु महा भूल हो ।

नेपालीले सात दशकको प्रयासमा जनताले जनताकै लागि आफ्नै जनप्रतिनिधि मार्पmत संविधान बनाएका छन् । ३ करोड नेपाली जनताको यो उपलब्धिमा संसारका सबै देशले स्वागत गरेका बेला भारतबाट पनि स्वागत समर्थन होस् भन्ने नेपाली जनताको चाहाना हो । तर भारतबाट त्यस्तो हुनसकेन । समय अझै छ, भारतबाट स्वागत आउनपर्छ । तराई, मधेस हामी नेपालीको मुटु हो । त्यहाँका समस्या हाम्रो हो । हाम्रो संविधानले त्यहाँका आधारभूत तहका जनतालाई अधिकार सम्पन्न बनाउन संविधानले धेरै कुरा समेटेको छ । बाकि असन्तुष्टिलाई क्रमशः सम्बोधन गर्दै जाने अठोट छ । यो हाम्रो परिवारबीचको समस्या हो । हामी आफै मिलाउन सक्छौं ।

संविधानले समेट्न बाँकी विषय समेट्दै जाने विषय हो । भारतकै संविधान पनि १०८ पटकभन्दा बढी संशोधन भएको छ । नेपाली जनताबीचको विश्वास आर्जन गरेका बर्तमान भारतीय प्रधानमन्त्री नरेन्द्र मोदीले विश्वास गुमाउनु उपर्युक्त हुँदैन । सार्वजनिकता, भौगोलिक अखण्डता, स्वाभिमान र स्वाधिनताका लागि ३००० वर्षदेखिको नेपाली इतिहास, नेपालीले कमजोर हुन दिने छैनन् । नेपाली जनता दुःखकष्ट र गरिबी व्यहोर्न सक्छन् तर स्वाभिमानमा चोट पुगेको सहन सक्दैनन् । भारतीय जनता र नेपाली जनता बीचको हार्दिकतामा चोट पुर्याएको राम्रो मान्दैनन् । तराईका प्रायः हरेक गाविसका जनताका समस्या बुझेर समाधानका लागि, कमैया मूक्तिका लागि दलित मुक्तिका लागि, भूमिहीन तथा सीमान्तकृत जनताको मुक्तिका लागि गत ४० वर्षदेखी संघर्ष गर्दै आएको एक अभियन्ता म पनि हुँ । दक्षिण तराईबाट मेचीदेखी महाकालीसम्म पदयात्रा गरेर त्यहाँका जनताको मुक्तिका लागि निरन्तर संघर्ष गर्दै आएको एक व्यक्तिको हिसाबले त्यहाँका वास्तविक समस्या हल गर्न बाँकी जीवन पनि समर्पित भएर लाग्ने अठोट गरेको व्यक्ति भएकाले मैले यी कुरा प्रस्तुत गरेको छु ।

Recent News

प्रकाशनहरु